Hindi Ko Ma-Feel si Lord, Help!

Na-realize ko na meron tayong mga ilang kinatatakutan bilang isang Kristiyano:

  1. Magkasala.
  2. Ma-reject ng mga kaibigan o pamilya dahil sa relationship kay Lord.
  3. Walang mag-like sa pinost na astig na quote sa Facebook.
  4. Hindi makita ang crush na worship leader sa service.

facebook15

Ilan lang yan, pero wala na yatang mas titindi pa sa pinakakinatatakutan ng lahat:

Ang hindi ma-feel si God.

Ewan ko pero nasabi mo na din ba ‘yan one point in your life? ‘Yung tipong hype na hype ang faith mo at on fire ka kay Lord (‘yung iba mong kaibigan nakikita ka nang lumiliyab minsan), tapos isang araw, hindi mo alam bakit bigla ka na lang nakaramdam ng kakaibang emosyon. Tinatamad ka mag-quiet time. Tinatamad ka mag-pray. Masarap muna mag sarili, bumalik sa dating gawi. Hanggang sa nababaling na ‘yung atensyon mo sa ibang bagay, hindi na kay Lord. Tapos pagkagising mo isang araw, wala na ‘yung passion mo kay Jesus.

Nalungkot ka. Na-frustrate. Na-disappoint sa sarili mo.

Kaya sinubukan mong ibalik ang lahat sa dati: basa ng Bible, dasal, dasal, dasal, nood ng God’s Not Dead at The Encounter ng apat na beses, maging full time volunteer sa church from 3PM-8PM, magpost ng Bible verses sa Facebook, etc.

Pero wala. Empty pa din ‘yung emotions mo. Naging religious ka lang.

Mas lalo kang na-frustrate, kasi for some reason, hindi mo ma-feel si God. As if kaya nating ikahon si Lord at diktahan base sa emosyon natin.

So pag di natin ma-feel si Lord, hindi na din natin Siya kasama? Pag cold ka, wala na ding sense ‘yung cross Niya?

Buti na lang lumapit sa’yo ang isang kaibigan at ni-remind ka na God is always greater than what we feel. Nanlalamig ka man kay Lord dahil may pinagdadaanan ka ngayon na season, wag agad mag-panic. Wag mo na ulitin ‘yung mga ginawa mo dati.

Di mo kailangan ma-frustrate sa sarili mo. You are still loved, accepted and pursued kahit ano man ang pinagdadaanan mo ngayon.

Hinga malalim. Pray ka lang. Hayaan mong yakapin ka ni Lord sa gitna ng coldness ng puso mo ngayon. Hayaan mong iguhit Niya ang ngiti sa labi mong matagal na ding nawala. Mag-surrender kung meron mang kailangang isuko. Mag-tiwala sa grace Niya. Magtiwala na alam Niya kung nasaan ka ngayon.  The Cross declares it is done. Hindi mo na kailangan mag-perform.

Ano pa ang dapat katakutan? Ano pa?

For whenever our heart condemns us, God is greater than our heart, and he knows everything.

-1 John 3:20

Advertisements

Hindi Ka Na-Orient? (An Open Letter To All YPs)

Night lights. Smoke machine. Loud music. Word of God. Sarap sa youth service ‘no? Tapos fellowship hanggang to the ends of the earth. Bonding sa mcdo market, mcdo 32nd, mcdo forum, mcdo kidzania, mcdo aura, mcdo forbes. Tapos sharing na ‘yan. Sarap maging parte ng spiritual family ‘no?

Tapos grumaduate ka na. Nag-apply. Nagkatrabaho. Monday to Friday. 8AM-5PM. Minsan may OT pa. Minsan na lang maka-check ng phone at Facebook kasi busy sa deliverables. Uuwi ka na lang. Kakain. Magbabasa ng Bible. Tutulog. Sabado, gusto mo munang magpahinga. Ops, teka, may youth service nga pala!

Dumaan ang ilang linggo at buwan. Pakiramdam mo hindi ka na masyado nakaka-relate sa mga naririnig mo, parang masyado nang pambata. Medyo dumadami na din ang mga bagong mukhang nakikita mo.  Mapapatanong ka na lang sa sarili mo, “Teka, di yata ako na-orient na ganito pala ang mangyayari ah?”

53706502

Kung isa ka sa mga naka-relate sa mga nabasa mo sa itaas, malamang isa ka siguro sa mga dumadaan sa adjustment season ng pagiging young pro. Oo, ikaw muna ang kausap ko sa post na ito. Hindi mo kailangan maging awkward sa youth service o sa mga leaders nito dahil lang sa hindi ka na nakaka-relate sa kanila. Kaya kung hindi ka nila nasabihan ahead of time o na-orient, ito ang dalawang malaking bagay na natutunan ko sa bagong season ng pagiging young pro, na pwede mo tandaan as you go into your new season of life. Relax, hinga malalim. Fasten your seatbelt.

  1. God is still the center & the master of my new season, and He is in control.

Hindi mo kailangan mag-panic dahil hindi mo na madalas nakakasama ‘yung mga friends mo sa service. May sarili silang buhay kay Lord at ganun ka rin. Wag ma-insecure kapag nakikita mo ‘yung mga Facebook post nila na may hashtag na #SaturdayBondingWithMenOfGod #QualityTimeWithPrincessesOfGod #UsapangCrush #Saya #Enjoy . May sarili silang buhay kay Lord at ganun ka rin. May nagbago ba sa relationship mo kay Lord ngayon na young pro ka na? Kristiyano ka pa din naman di’ba? So okay lang ‘yan. Si Lord pa din naman ang sine-serve natin kahit nasaang season man tayo. At tsaka, being a YP is a gift. Tignan mo:

Mga benefit ng pagiging YP:

  1. May sarili ka nang sahod, di ka na hihingi kay mother earth ng pang-starbucks at pampanood mo ng mga pelikula ni John Lloyd.
  2. New learnings sa bagong environment sa workplace.
  3. Dahil may sarili ka nang sahod, pwede ka mag-invest sa mga nili-lead mo na youth at sasabihin mo sa kanila ang super legendary line na “Bro, someday gagawin mo din ‘to sa iba.” Ma-iinspire mo din sila na someday kapag nagtrabaho na sila, magiging blessing din sila at;
  4. Pwede ka na mag boyfriend/girlfriend. (Joke lang)

 

Kitams? At ang pangalawa..

  1. Being a Young Pro is a season to seek God for your calling.

Kung nako-confuse ka kung saan ka na pupunta ngayon, pwede mong gamitin ang season ng pagiging YP mo to seek God kung saan ka nga ba Niya tinatawag. Called ka na ba mag-transition sa adult service? Called ka ba mag-full time ministry? Called ka pa din ba to invest sa youth? Kung nahihirapan ka pa sagutin ‘yan sa ngayon, okay lang ‘yan. May grace si Lord para sa’yo at para i-direct ka Niya sa calling mo. Bakit? Para hindi tayo naii-stuck up. Para hindi natin nami-miss out ‘yung purpose ni God sa season natin ngayon. Walang pinagkaiba ang pagiging called sa ministry sa pagiging called sa corporate world. Lahat ng calling, holy.

Sana nakatulong ang post na ito sa’yo at sa bagong season mo. Kaunting adjustment lang ‘yan. Hindi ka pababayaan ni Lord. At ang prayer ko, kung saan ka man ilagay ni Lord, masasabi mo na “I’m grateful I’ve been part of the youth ministry.” Baka sa susunod, ikaw na ‘yung sinasabi nila na, magbabago ng mundong ginagalawan mo.

“Therefore I, the prisoner of the Lord, implore you to walk in a manner worthy of the calling with which you have been called.”

-Ephesians 4:1

Jesus, 2015 And Everything In Between

Isa na yata ako sa may pinakamalakas ang tama na blogger o writer sa earth. Siguro pinaka-corny na din. Hindi ko nga alam bakit nag-yes sa akin si Mich eh. (So far, masaya naman siya ngayon) Hindi ako si Randy Camba, hindi si Junize San Diego, lalong hindi si Joe Bonifacio (mas holy ‘yung mga blog nila, ‘yun na lang basahin mo). Noong mga unang post ko dito sa blog, puro tungkol lang sa lovelife at gospel sinusulat ko. Ewan. Halos puro si Amira nga lang nagbabasa ‘nun dati eh, hanggang sa na-realize ko na may ibang tao pala na nakaka-relate din sa mga sinasabi ko. Kahit papaano, na-extend ko ‘yung love ni Lord sa kanila.

Tsaka ‘uy ah, kahit papaano may mga natutunan din ako ngayong taon, di lang halata. Eto ‘yun:

21111

Sa dubsmash, pwede natin gayahin ang itsura ng taong gusto nating gayahin at magiging kaboses pa natin sila. Pero sad to say, hindi  ‘to applicable sa totoong buhay. Hindi mo pwede gayahin ang faith ng ibang tao dahil hindi naman ikaw sila. Pero honestly, ilang beses ko na sinubukan, at kahit isang beses, hindi nagwork-out. Narebuke ako. Bakit ko kinukumpara ‘yung buhay ko sa kanila? Kaya araw-araw na akong nareremind na PERSONAL ang relationship ko with God. Wala dapat na involved na ibang tao o bagay. Parang ang sarap ng ganun. ‘Yung kayo lang ni Lord, tapos ‘yung sobrang intimate niyo na wala kang ibang mas pinapakinggan at mas pinaniniwalaan kundi Siya lang. Bakit? Kasi mahal mo eh, at mahal ka rin Niya.

At may mga panahon na, sisirain talaga ni God ‘yung plano mo. Kasi baka mapalayo ka sa Kaniya. Baka mawala ka sa will Niya. Masakit? Oo. Pero buti na lang si Lord ‘yan at hindi ibang tao.

222222

Noong bata pa tayo, sa tuwing nasusugatan tayo, anong unang reaksyon? Wala namang natutuwa makakita ng hiwa at umaagos na dugo, di’ba? Kaya umiiyak tayo. Bakit? Kasi natural sa nasasaktan ang umiyak. Kaya OK lang umiyak pag may hardship, pain o struggle, iiyak mo lang kay Lord ‘yan. Hindi madali, wala namang nagsabi na madali eh, pero worth it lahat. Ibigay mo lang lahat sa foot ng Cross. Naiintindihan ni God ‘yung emotions mo kahit na hindi mo ito naiintindihan.

23333

Alam mo ba na on-fire christian ka man o hindi, eh hindi nagbago pagmamahal ni Lord sa’yo? Oo naman ‘no! Miski ako, patuloy pa ding natututo sa ganito. Kailangan ko pa ding i-preach ‘yung gospel sa sarili ko. Mga 10000 times raised to the 100th power. ‘Yung tipong ang kahit na awkward mo na, ang pangit mo na, tapos minsan nadi-disobey mo na si Lord, ‘yun ‘yung mga panahon na ang hirap sabihin na “Wala akong ginawa para mahalin ako ni Lord.” Pero ‘yun ang totoo. At ang prayer ko, na sana di tayo magsawa o maging familiar sa ganitong klaseng love ni Lord.

244444

Sabi ni Pastor Steve Murrell,

Processing pain alone is always a bad idea, you need people around you.

Pamilya. Sila ‘yung mga tao na kasama mo anuman ang pinagdadaanan mo, pamilya eh. Sila ‘yung kasama mo tumawa, ‘yung walang pakialam kung sino ka o ano nagawa mo, tanggap ka pero at the same time pino-point out ka kay Jesus, ‘yung mga tao na hindi natatakot sabihin sa’yo ‘yung mali mo anuman ang kapalit nito. ‘Yung iiyak kasama ka, dadamayan ka at mamahalin ka gaya ng pagmamahal sa’yo ni Jesus. Kaya’t maituturing na blessing talaga ang spiritual family. Heto ang mga minsan baliw pero madalas na masayahing spiritual family ko:

12463950_1244728558874471_1805652884_n

These are the real treasures.

———————————————————

Sa December 2016 babalikan ko ulit itong post na ‘to. Kasi pakiramdam ko ang daming mangyayari sa 2016 eh. More stories. More learnings. More memories. Pero same Jesus.

Ikaw? Gusto mo din ba ikuwento ang 2015 mo? Sundin lamang ang madali at mabisang steps na ito para maikuwento mo din ang iyong nakaraang taon:

  1. Isalaysay paano ka naging martir sa mga sitwasyon mo sa buhay na sinabi mong “I deserve an explanation, I deserve an acceptable reason.”
  2. Iguhit ang mga larawan ng mga taong ayaw mong makalimutan. Gumamit ng malalaking crayola.
  3. Ano ang mga naging theme song ng 2015 mo? Wala na bang iba bukod sa nae-nae, sorry at dessert?
  4. Ano ang mga itinuro sa’yo ni God ngayon taon? 1,000 words. Times new roman. Size 8. Single spaced.

 

P.S.

May nakilala din pala akong babae last year na nagpakita sa akin ng ibig sabihin ng tunay na pagmamahal ni Lord. Next blog ko na ikukuwento. 🙂

There’s a lot more coming this 2016. And here’s a glimpse of it. 🙂

12476283_1244603438886983_838119714_n