Hindi Ko Ma-Feel si Lord, Help!

Na-realize ko na meron tayong mga ilang kinatatakutan bilang isang Kristiyano:

  1. Magkasala.
  2. Ma-reject ng mga kaibigan o pamilya dahil sa relationship kay Lord.
  3. Walang mag-like sa pinost na astig na quote sa Facebook.
  4. Hindi makita ang crush na worship leader sa service.

facebook15

Ilan lang yan, pero wala na yatang mas titindi pa sa pinakakinatatakutan ng lahat:

Ang hindi ma-feel si God.

Ewan ko pero nasabi mo na din ba ‘yan one point in your life? ‘Yung tipong hype na hype ang faith mo at on fire ka kay Lord (‘yung iba mong kaibigan nakikita ka nang lumiliyab minsan), tapos isang araw, hindi mo alam bakit bigla ka na lang nakaramdam ng kakaibang emosyon. Tinatamad ka mag-quiet time. Tinatamad ka mag-pray. Masarap muna mag sarili, bumalik sa dating gawi. Hanggang sa nababaling na ‘yung atensyon mo sa ibang bagay, hindi na kay Lord. Tapos pagkagising mo isang araw, wala na ‘yung passion mo kay Jesus.

Nalungkot ka. Na-frustrate. Na-disappoint sa sarili mo.

Kaya sinubukan mong ibalik ang lahat sa dati: basa ng Bible, dasal, dasal, dasal, nood ng God’s Not Dead at The Encounter ng apat na beses, maging full time volunteer sa church from 3PM-8PM, magpost ng Bible verses sa Facebook, etc.

Pero wala. Empty pa din ‘yung emotions mo. Naging religious ka lang.

Mas lalo kang na-frustrate, kasi for some reason, hindi mo ma-feel si God. As if kaya nating ikahon si Lord at diktahan base sa emosyon natin.

So pag di natin ma-feel si Lord, hindi na din natin Siya kasama? Pag cold ka, wala na ding sense ‘yung cross Niya?

Buti na lang lumapit sa’yo ang isang kaibigan at ni-remind ka na God is always greater than what we feel. Nanlalamig ka man kay Lord dahil may pinagdadaanan ka ngayon na season, wag agad mag-panic. Wag mo na ulitin ‘yung mga ginawa mo dati.

Di mo kailangan ma-frustrate sa sarili mo. You are still loved, accepted and pursued kahit ano man ang pinagdadaanan mo ngayon.

Hinga malalim. Pray ka lang. Hayaan mong yakapin ka ni Lord sa gitna ng coldness ng puso mo ngayon. Hayaan mong iguhit Niya ang ngiti sa labi mong matagal na ding nawala. Mag-surrender kung meron mang kailangang isuko. Mag-tiwala sa grace Niya. Magtiwala na alam Niya kung nasaan ka ngayon.  The Cross declares it is done. Hindi mo na kailangan mag-perform.

Ano pa ang dapat katakutan? Ano pa?

For whenever our heart condemns us, God is greater than our heart, and he knows everything.

-1 John 3:20

Everyday I Die.

Ang gusto ko sa pagbablog ay mas tinuturuan ako nito maging transparent sa mga bagay-bagay. hehe eto ang isa sa mga ‘yun. Because i am sick and tired of people covering things up, na hindi naman talaga yun ang totoo. To my surpise, ako pala ‘yun. i am tired of myself pala. i want nothing but Jesus. i want everything of Jesus.

beautiful-tumblr-photos-205034-421158-475-316

Hanggang sa pina-realize sa akin ni Lord na ang nakakaharang pala sa growth ko sa Kaniya ay ang sarili ko. Ang dami kong gustong gawin. Ang dami kong gustong maabot at maachieve, ni hindi ko na nga naririnig ano ba yung gusto Niya sa buhay ko. Tsaka Niya ako ibabalik sa lugar kung saan kami unang nagkita, sa brokenness ko. At ipapakita Niya sa akin na brokenness is beautiful.

I’ve learned a lot through my painful failures.

At naisip ko na, minsan kapag hindi mo na chine-check yung heart mo at hindi mo na chine-check yung walk mo with God, prone ka sa self-deception.

Akala mo okay ka, pero hindi.

Hindi ko alam if you can identify with me pero minsan ang judgmental ko sa mga wala pang relationship kay Jesus, minsan ang judgmental ko din sa mga christian. Naiinis ako minsan sa mga kapwa ko leader. Bakit? Dahil ‘yung mali na nakikita ko sa kanila, ay yung parehas na mali na hindi ko napapansin sa sarili ko.

And it breaks my heart to know all of this. I realized then, grace lang ni Lord makakabago nito. Holy Spirit na lang ang may kakayahan para baguhin to.

Itong traydor kong puso.

Pero.

Here’s the irony of the story.

Jesus says He loves me kahit na nakakainis na yung mga struggle ko. Kahit mukha na kong ewan kakaiyak dahil paulit-ulit na lang yung tumutusok sa puso ko. Kahit na minsan nakakabaliw na hindi ko na maintindihan ‘yung sarili ko. Sabi nya, mahal Niya pa din daw ako. I guess you would never know true love unless you experience it firsthand. My goodness. Nakakatunaw.

If you’re a human, that’s a hard pill to swallow. I can’t even chew the thought.

The Bible calls it, yes, grace.

Heto pa ang isang plot twist.

Kung sinabi Niya na mahal Niya ako. Then, totoo din ‘yung iba Niyang mga sinabi at ipinangako.

Na broken na yung chains.

Na may freedom na talaga ako.

Na dumugo man ako, ito ay para sa aking ikabubuti.

Na hawak Niya na yung kamay ko,

at hindi na kami maghihiwalay pa.

That is why masaya ako to take up my own cross everyday just to follow Him. If carrying my cross means to be broken, to be empty, and to die.

It will be joyful. Because in my brokenness, I am beautiful.

“I have been crucified with Christ and I no longer live, but Christ lives in me.”

-Galatians 2:20

And everyday, yes, I die to myself. Because in Him, I live.

tumblr_mkg0llWYcM1rbopkso1_500

I Hate Being OK.

Okay.

“Bro, kamusta?” Tanong sa akin ni Kuya James.

“Ahh. OK lang naman.” sagot ko.

Hindi siya kuntento sa sagot ko, parang ‘yung itsura mo kapag nagpa-load ka ng P50 tapos P30 lang yung dumating, “Paanong OK? Ok na hindi, o OK na maayos naman?” tanong niya.

Nahirapan ako sumagot, sabi ko, “OK na sakto lang.”

Napaisip ko, bakit ako nahihirapan sumagot? At na-realize ko, dahil:

  1. Takot ako malaman niya na hindi talaga ako OK.
  2. Nagli-lead na ako kaya dapat maging OK ako.
  3. Hindi ako nag-quiet time kanina, nagbasa lang ako ng Diary ng Panget.

Kaya napatanong ako, “Ano namang problema kung hindi ako OK?”, at tinuro ng Holy Spirit ang sagot, kasi insecure ako. Na-iinsecure ako sa mga tao, kaya dapat I have to look good, I have to be the best, pero deep inside, hindi na pala ako nag go-grow.

”It is for freedom that Christ has set us free! Stand firm, then, and do not let yourself be burdened again by a yoke of slavery.”

-Galatians 5:1

Kadalasan alam na natin na pinalaya na tayo ni Jesus, pero hindi natin alam kung saan tayo naka-stand. Bakit? Kasi “OK lang” tayo.

Figure 1

Katulad ng graph sa itaas, as the time goes by, our passion and God’s lordship in our lives grow as well. Pero at a certain point, tumitigil na yung pag-grow ng passion at Lordship ni Jesus sa buhay natin. Kelan nangyayari to? Kapag nagiging “OK lang” tayo. OK lang sa lugar kung nasaan tayo, komportable naman e.

Kasi minsan alam na natin lahat. Alam na natin kung paano ngumiti, paano mag-pray, mag-encourage, magstatus ng bible verse sa facebook, mag-lead ng small group, mag-facilitate ng one2one, alam na natin kung paano laruin ang lahat. Alam natin ang chapter 1 to 3 ng one2one pero hindi natin ‘to na-e-experience.

Pero good news: Hindi mo mapepeke si Jesus.

Heto ang natutunan ko: Kapag mas nagiging totoo tayo sa mga struggles at sa sarili natin, mas nagiging totoo din ang pag-ibig ni Jesus sa atin, mas totoo pa sa hininga mo ngayon.

Eh ano kung may mga oras na hindi tayo OK? It does not define us. The Cross defines us. We are all a work in progress, and you and I are going to fight this good fight of faith.

Anong pipiliin mo, ang mamuhay ng nagtatago sa “safe” na maskara ng peke mong pagiging kristiyano, o ang mamuhay sa freedom at shameless life under God’s unconditional love?

God loves real and imperfect people. He loves Martha, Zacchaeus, Nicodemus, Peter, John, Paul, Cholo, Bethel, Paolo, Randy, Amira, Sacha, Jerrom, Au, Marize, Grace. He loves you.

To lead is to follow, and to follow is to be real.

To lead others is to follow Christ, and to follow Christ is to be real.

“But, “Let him who boasts boast in the Lord.”

-2 Corinthians 10:17

P.S.

Dahil sa Cross ni Jesus, you can now be real! Yey! Heto ang ilang practical ways na maaaring makatulong sa’yo sa step of faith na ito:

  1. Get a small group of people or a lone accountable person whom you can be accountable with.
  2. Be honest with yourself and to God during your quiet times, and ask Him to point things in your life that you need to surrender to Him.
  3. Ask grace (His undeserved favor) and receive grace. Yes! Because you are His son/daughter! And let His grace change you.

 

Throwback FirstDay

ImageSo First Day of classes mo na. Excited ka na ba? Freshie ka man sa college, o regular na, syempre hindi mawawala diyan yung:

-New Classmates!

ImageBagong mga kaibigan, bagong kakilala. Bagong kakuwentuhan, bagong kasama sa project, bagong katambay sa Market-Market para magpalamig. Pero ang matindi yung kapag parehas pa din yung mga kaklase mo: “ABA, IKAW NA NAMAN?”

-Kasama yung First Day na nga, nalate ka pa sa klase. o kaya late ka na, tapos sobrang tagal ‘nung jeep na sinasakyan mo, o kaya sobrang bagal maglakad ‘nung nasa harap mo.

Image

Pero mas matindi yung 5:30AM ka gumising para pumasok pero wala kang First subject. </3

-Dahil hindi ka sigurado, nagsuot ka ng uniform sa first day, at ikaw lang sa klase niyo ang naka-unifrom. Naks! Loyalty Award!

-Red alert na kapag nagsabi na ang kaklase na: “Nandiyan na si Mam!”, parang “Maghanda na kayo, katapusan na ng mundo nating mga estudyante sa Advance Statistics!”

-Eh papahuli ba naman ‘yung mga minor subject natin? Syempre hindi, kaya papahirapan nila tayo sa dami ng projects at research papers.

Image

-Kasama yung Introduce-yourself-to-class ritual ng lahat ng Prof. Pangalan, Tirahan, Edad, Paboritong Kulay, What is Love? More answers, more chances of winning.

-“Penge wan port.” “Penge wan hap.” “Penge yelo pad.” “Penge indeks kard.” Mga kaklase mong lifetime resolution na kailanman hindi bibili at hindi magdadala ng papel.

-Yung First subject mo 8am-9am. Break mo 9am to 4pm.

-#SelfieSaFirstDayOfClass

Image

-At syempre ang pinakamatindi sa first day..

Image

-Hehe, Joke lang. eto ‘yun. Syempre ang pinakamatinding mararanasan natin ngayong simula ng sem ay si Jesus. Mas makikilala natin Siya! Makakapag-share tayo sa mga kaklase natin tungkol kay God, may mga mari-reach out tayo. Gagamitin tayo ni God para sa purpose Niya! wuhoo! Exciting di’ba? Sa klase ang tunay na platform na binibigay sa atin ni God para mai-share yung pagmamahal Niya. at tsaka oo, may mga miracles na mangyayari. Be in faith. 🙂

Image

ImageAnother year to experience God’s glory. Are you ready to take a stand and see your campus be saturated by the Gospel?

 

“Then Jesus came to them and said, “All authority in heaven and on earth has been given to me. Therefore go and make disciples of all nations, baptizing them in the name of the Father and of the Son and of the Holy Spirit, and teaching them to obey everything I have commanded you. And surely I am with you always, to the very end of the age.”

-Matthew 28:18-20

 

Syota Problems

Emotional Purity.

Did those words ever crossed your mind?

Naalala ko dati, tinanong ko ‘yung isa kong kaibigan na Christian kung nagkaroon na ba siya ng syota. Nagulat ako sa reaksyon niya, para niya kong sasapakin, “Ang pangit pakinggan!” sabi niya.

Image

‘Yun pala, ang ibig sabihin ng syota, ay “short-time”. Short-time partner.

Hmm, nagkaroon ka na din ba ng syota? Este short-time partner?

Ako, oo. At masakit sa ulo.

Hindi ko alam sa iba, pero may sablay kasi sa konsepto ng short-time relationships eh:

  • Tinatanggal nito ang vision ng isang tao for marriage (at kung hindi mo pa alam, sobrang importante niyan),
  • Nadi-distort din nito ang totoong definition ng love at higit sa lahat;
  • Nawawalan ang isang tao ng emotional purity dahil dito.

Tadhana

Think of this: if we don’t have any vision for a lifetime relationship, one that is God-centered, then we’re just defrauding the person.

Sabi sa Bible, we have to be good stewards of God’s gifts. All the relationships that we have are God-given, so the question is, are we taking good care of those relationships? Or are we just deceiving them just to fulfill our emotional satisfaction? By the way, God can only fulfill our satisfactions.

Naniniwala ako na gustong-gusto ni God na maging pure tayo hindi lang physically, pero pati emotionally. Sabi din sa Bible, may tamang oras para sa lahat ng bagay. Kaya relax lang kapatid, hindi ka pababayaan ni Lord. Don’t settle for less for what God had planned for your best. =)

If you’ve messed-up in the past like me, I have another story to tell you. sa next blog ko na lang ipopost. 🙂

Sonship 0.0

 

Image

Note: Prequel post ito sa Sonship 1.0 at Sonship 2.0 ni Randy Camba:

https://www.facebook.com/notes/randy-camba/sonship-10/10151308432807651

https://www.facebook.com/notes/randy-camba/sonship-20/10151419946812651

Game.

This is the starting point of everything. We are all longing for a Father. Period.

Many of the youth today are fatherless.

And it’s heart breaking.

We are all fighting for true intimacy. When our Father is not present, our heart rebels.

We are all fighting for true intimacy. When our Father is not present, our heart rebels. (basahin ng paulit-ulit, importante yan.)

Good news, God is there.

Nandiyan si God na nagsasabi na “I am father to the fatherless” at nagpaparamdam sa akin kung ano ang ibig sabihin ng pagmamahal ng isang Ama.

Yung Tatay na naghanap sa’kin noong nawawala pa ako at nag-eenjoy sa putik. (Luke 15:4)

Yung Tatay na nakakita at pumulot sakin. (Luke 15:5-6)

Yung Tatay na nagpatawad ng mga kasalanan ko. (Acts 5:31)

Yung Tatay na nagsasabing: “huwag kang matakot.” (John 14:27)

Yung Tatay na sumasalo sa akin kapag hindi ko na kaya. (Psalm 34:18)

Yung Tatay na natatakbuhan ko kapag wala na kong pag-asa. (Psalm 18:2)

Yung Tatay na nagbibigay sa akin ng lakas para harapin ang bagong umaga. (John 16:33)

Yung Tatay na nagtuturo sa akin kung ano ang nakakabuti sa hindi. (Psalm 32:8)

Yung Tatay na nagpupunas ng mga luha ko kapag nasasaktan ako. (Luke 7:13, Revelation 21:4)

Yung Tatay na bumubuo at nag-aayos ng sira kong buhay. (Isaiah 57:18)

Yung Tatay na nakangiting sumasalubong sa akin sa umaga at nagpapatulog sa gabi. (Psalm 90:14)

Yung Tatay na namatay dahil yun lang ang tanging paraan para makasama ko Siyang muli. (Colossians 1:20)

 

And then, everything melted.

My pride and arrogance.

My sin, shame and guilt.

My unforgiveness and hatred.

My past.

Everything.

 

“Na-experience kong ma-accept at mahalin ng paulit-ulit kahit ang dami at paulit-ulit din yung mga failures ko. yung kahit anong gawin ko, Tatay ko Siya eh, at hindi yun mababago ng tingin sa akin ng mga tao or tingin ko sa sarili ko. constant at consistent Siya magmahal as a Father, pero grabe din Siya magdisiplina. Kung gaano Niya ko kamahal, ganun din Niya ko dinidisiplina. He has the best intentions for me kaya ganun. He is a loving yet protective Father. He will do everything para nasa way Niya tayo palagi.”

-Junize S.D.

“Saan ka ba makakakita ng love na ohh so true and perfect? Yung He will accept you kahit pa ang pangit pangit mo (not literally :P) kahit na di ka lovable dahil sa mga ginawa mo. Yung love na will make you feel secured and assured, kahit na you are not worthy to receive those? Yung love na di mo na kailangan magpa-impress at gumawa ng kung ano-ano para lang di ka Niya iwan? Lahat ng yun na kay God lang, kay God ko lang na-experience.”

-Bethel M.

“The fact that He can provide no matter what, you just need to trust and depend on Him. Even you failed a hundred times, He will always forgive you and love you. At tsaka yung sonship sobrang laking privilege nun kasi you can come to Him anytime. #UnconditionalLoveIsHartHart”

-Cholo C.

 

This is the starting point of everything. God is our Father. Period.

The Analysis Of Your Bitterness Part 2

Image

The Bitter Scale- Sukatin ang iyong bitterness, encircle the letter that represents your answer.

Gaano ka kabitter? (pwede ngayon, pwede dati)

  1. Zero Bitterness. “Just Let it go. Let it go..”

Image

2. Mild. Kakanta lang ako at magkukulong sa kwarto.

3. Moderate. Hindi ko sya papansinin kahit magsorry pa sya.

Image

4. Extreme. Iba-block ko na sya sa Facebook, Tatanggalin ko pa sya sa list of friends ko. Buburahin ko ang cellphone number nya hanggang sa dulo ng mundo.

5. XtraXtraXtreme. Nagsusuper saiyan ako sa galit kapag naaalala ko sya.

Image

6. Game Over. Ayoko na. Bahala siya.

Image

Ayun na nga. Ano ang ginawa ni God para maayos ang lahat ng ito?

Ngayon, idugtong natin ang Cross sa Bitter Scale. Naiintindihan ba natin na may mga nagagawa tayong kasalanan kapag bitter tayo, kailangan natin itong bayaran pero nalalaman ba natin na kinuha ito lahat ni Jesus sa Cross? Kasi..

a. On the Cross, Jesus was holding you. Hindi Siya bumitaw kailanman, hindi Siya napagod at He won’t let go of you. Para kapag napapagod ka na sa lahat, pwede kang tumingin sa Cross at makikita mo na Siya ang sumalo sayo noong bumagsak ka.

 

“The men who were guarding Jesus began mocking and beating him. They blindfolded him and demanded, “Prophesy! Who hit you?” And they said many other insulting things to him.”

-Luke 22:63-65

 

Ikaw ang dapat na nahusgahan, nasapak, at naduraan. Pero Siya ang sumalo, dahil hawak hawak ka Niya. Ilang beses mo na nga bang sinabi kay Lord na ayaw mo na? na nagdududa ka na? hindi mo alam pero nanlalamig at napapalayo ka na sa Kaniya pero paglingon mo nasa likod mo si Jesus, sinasabi sayong “Anak, mahal kita, tara na.”

 

 b. On the Cross, Jesus covered your past, present and future with His love. Oo, lahat. Walang dati. ramdam mo ba na hindi ka makaalis sa nakaraan mo, na para bang napakahigpit ng hawak nito sayo? Pwede ka tumingin sa Cross, at makikita mo na lahat ng sakit ng nakaraan mo nandun na: nakapako.

 

“Why? Because the Master won’t ever walk out and fail to return. If he works severely, he also works tenderly. His stockpiles of loyal love are immense. He takes no pleasure in making life hard, in throwing roadblocks in the way.”

-Lamentations 3:31-33 MSG

 

Pati yung mga kasalanan at sakit ng mga kasalukuyang paghihirap mo, nandun na sa Cross. Eto yung tipo ng pagmamahal na mapapaluhod ka na lang: na hindi mo pa nagagawa ang isang bagay-maganda man o hindi, eh minahal ka na ni Jesus. Kaya ngayon, pwede mo na iwan ang kahapon at pumunta sa napakagandang umagang naghihintay sayo.

 

c. On the Cross, We are forgiven because He was forsaken. Gaano kalalim ka dinala ng pagiging bitter mo o kaya ng mga nagawa mong kasalanan? Sa Cross, mas malalim ang pagpapatawad ni God.

 

“We are punished justly, for we are getting what our deeds deserve. But this man has done nothing wrong. Then he said, “Jesus, remember me when you come into your kingdom.” Jesus answered him, “I tell you the truth, today you will be with me in paradise.”

– Luke 23:41-43

 

Akala natin kaya natin pero hindi pala. Lalo na ang magpatawad. Pero dahil sa Cross, pinatawad ka na ni Jesus, ngayon malaya ka na ding patawarin ang sarili mo at ang mga taong nanakit sayo.

 

d. On the Cross, Jesus bought you. Para tayong nasa auction, ipinagbibili ang katauhan kahit kanino basta may magmahal lang sa atin. Pero sa Cross, binili ka na ni Jesus. He paid the price of humiliation, mockery, insult and death because He loves you. Tayo na yung nakapila para burahin sa mundo pero si Jesus sumisigaw sa likod “Hindi! Akin yan! Anak ko yan! Bibilhin ko yan!”. Kaya ang nangyari, He was not a liar, but He became the lie for you and me. He became the sin. Si Jesus yung naging sexual immorality, yung anger, yung pagnanakaw.

 

“But he was pierced for our transgressions, he was crushed for our iniquities; the punishment that brought us peace was upon him and by his wounds we are healed.”

-Isaiah 53:5

e. & f. On the Cross, Jesus sets you free. Oo, hindi ka hinintay ni Lord na magsorry muna sa Kaniya. While you were still sinning, Jesus already died for you para ipakita sa’yo na ito ang tunay na pagmamahal. Pati yung bitterness mo matutunaw yan sa harap ng Cross. Siya ang nakakita sayo nung gumagapang ka pa sa putik ng bitterness. Kahit noong mga panahon na ayaw mo kay God at tinatakbuhan mo Siya kasi ang dami mong angst sa mundo. Siya yung nagpalambot at nagbuo ng puso mo. Sa Cross, malaya ka ng mahalin si Jesus. Sa Cross, Malaya ka ng magmove on.

Tinanong dati ni Coach Robert Gonzalez: “If you have the opportunity to stand in front of Jesus being crucified and have the chance to ask him while hanging on the cross, what would you ask?” Heto ang ilan sa sagot nila:

–          Am I worth it Lord? I’ve failed and hurt you so many times. Why me?

–          Why do it when you know some will turn their backs on you and hurt you either way?

–          Sa lahat ng ginawa ko sayo bakit mahal na mahal mo pa din kami?

–          Deserving ba ko sa love mo? Kahit alam kong hindi.

–          Why are you still doing this? You only suffer for yourself. You know that were not perfect. IM SO SORRY!

–          Lord maga na po ang mata ko, pwede katabi na lang po kita forever?

–          Bakit ang hirap sa iba na iaccept ka at unahin sa buhay nila? Bakit sa kabila ng tanong kong to, isa ako sa mga taong sinasabi ko?

–          Jesus, can I do anything to ease the pain?

–          Jesus, can we change position?

–          Lord am I worthy of that pain?

Ikaw? Anong naisip mo na itanong?

Ang tanong, tatanggapin mo ba si Jesus sa buhay mo?

——

Image